隨著校歌和協恩樂的音樂響起，一年一度Fun Fair又大功告成啦！每年呢個時候小編總要安撫身邊三四五個「聞歌眼濕」的感性校友。。。(如果唔收拾心情又點樣繼續奴役佢哋執嘢呢？)
配合返今日畀大家點唱咗好多次嘅"Thank You"，let me get straight to the point，感謝List如下：
- 感激彷彿食咗大力菜嘅工友叔叔和姨姨們；那怕路途迂迴，每次搬嘢都使命必達，而且一定面帶微笑極速完成！
- 感激從事FMCG嘅校友，每年都要忍受小編嘅奪命追魂callsss，協力同心一齊搵sponsors，令拋圈booth獎品嘅豐富程度猶如去超市購物！
- 感謝各執圈拆箱達人，部分校友更加係上年返過嚟幫手知道有幾辛苦，今年都繼續報名做義工(希望今年校友會提供嘅加厚版勞工手套保護到你哋！)
- 感謝各級妹妹Volunteers，你哋耐心跟隨指示+閃電俠般嘅身手令師姐們嘅工作輕鬆好多！
- 感謝Souvenir Booth一眾TOP Sales：雖然遊說技巧各有不同，但位位舌粲蓮花唔駛飲水，小編大開眼界之餘亦深深感受到如果同你哋鬧交一定必死無疑！
- 多謝各位客仔，你哋對今年校友會紀念品嘅讚賞與及意見回饋小編都收到曬！
- 感謝各位行過路過Say Hi嘅校友，肯千里迢迢殺入重重人堆，淨係為咗恥笑小編個黑眼圈跌到落下巴，呢啲咪真朋友囉！(BTW相呢？)
- 感激各位老師大駕光臨，你哋稍作停留已吸引海量舊生排隊傾計影相，校友會將會積極考慮劃設一個揮手專區畀你哋！
- 最後要感激校方對校友會嘅支持，今年Fun Fair前校友會有很多忽發奇想的安排，全賴各位教職員耐心包容才能成事！
你哋今年嘅Fun Fair高興嗎？不如留言開心Share吓啦喂！
Komentarze