As the Art Room will be renovated during summer holidays, the OGA is now organizing an Art Jamming Event. It surely gives us a chance to...

To provide robust art education to the girls, our Art Room at school will be renovated in July 2024. Do you miss painting in our unique and lovely Art Room? Now you have got a chance. To reminisce about the good old days, the OGA is going to organize an Art Jamming event on 19th May 2024. It's our great pleasure to have a notable alumna to be our instructor at the event. Acrylic Painting at Art Room 19th May, 2024 Please save the date at the moment.   Further details will be

由學校中文科與中史科聯合舉辦的土瓜灣景點考察活動於昨日圓滿結束！招募短短四日便有八位校友報名，超出預期；承蒙各位特地請假出席，令各組帶隊老師能無後顧之憂地專注講解。 是次考察活動除了能增加學生對社區文化及人文歷史的認識外，各景點亦勾起「思鄉情切」的校友們不少長衫時代的美好回憶！大家亦不妨看看相片，考考自己還記得這些地標嗎？一起留言討論吧 小編謹以此篇感謝校方信任和校友們襄助支持！今年未能抽空出席的師姐妹們，請留意下年招募時間啦！ Photo Credit: 參與是次活動之校友 #師妹們邊行邊寫邊畫神乎其技 #點解咁趕原來只係唔想拎份功課返屋企做 #小編聽完有如醍醐灌頂不禁表示我明喎我真係明 #無論幾多年後仍然細聲講kitkit笑 #校友守尾門老師導遊點會悶

說起香港文化及社區人文歷史，原來100年前報章上刊登的一則「聖士提反女學堂」廣告，揭示這間同以長衫作校服的女校，和協恩中學的前身有一段鮮為人知的淵源。。。 Credit: 香港回望 HK Old Days https://www.facebook.com/share/p/goRf1aitdZhZKCxQ/?mibextid=WC7FNe

各位係咪喺lunch time/返工放工嘅時候仲碌緊Fun Fair當日嘅相呢？知道你哋掛住學校，下星期學校中文科與中史科將聯合舉辦土瓜灣景點考察活動，希望透過賞覽香港文化風景，增加學生對社區文化及人文歷史的認識；負責老師想透過校友會誠邀校友幫忙帶隊，唔知你哋有無興趣報名參加呢？ 活動名稱：土瓜灣散步 日期及時間：2024年2月2日(星期五)下午2時至4時 工作內容：協助教師在中三級土瓜灣散步活動進行時維持秩序及安全。 考察景點：新亞中學、龍母廟、美利大廈、美善同道、土瓜灣街市、鴻福街、益豐大廈、美景樓、定安大厦、土瓜灣道花園、中華煤氣公司、十三街、牛棚藝術村、九龍城碼頭、海心公園（視乎組別而定） 統籌老師：方佩珊老師 招募人數：約6位校友 與其緬懷當年學校生活點滴，不如藉今次機會參與其中？快D喺1月29日前報名啦，一班師妹等緊你㗎

隨著校歌和協恩樂的音樂響起，一年一度Fun Fair又大功告成啦！每年呢個時候小編總要安撫身邊三四五個「聞歌眼濕」的感性校友。。。(如果唔收拾心情又點樣繼續奴役佢哋執嘢呢？) 配合返今日畀大家點唱咗好多次嘅"Thank You"，let me get straight to the point，感謝List如下： - 感激彷彿食咗大力菜嘅工友叔叔和姨姨們；那怕路途迂迴，每次搬嘢都使命必達，而且一定面帶微笑極速完成！ - 感激從事FMCG嘅校友，每年都要忍受小編嘅奪命追魂callsss，協力同心一齊搵sponsors，令拋圈booth獎品嘅豐富程度猶如去超市購物！ - 感謝各執圈拆箱達人，部分校友更加係上年返過嚟幫手知道有幾辛苦，今年都繼續報名做義工(希望今年校友會提供嘅加厚版勞工手套保護到你哋！) - 感謝各級妹妹Volunteers，你哋耐心跟隨指示+閃電俠般嘅身手令師姐們嘅工作輕鬆好多！ - 感謝Souvenir Booth一眾TOP Sales：雖然遊說技巧各有不同，但位位舌粲蓮花唔駛飲水，小編大開眼界之餘亦深深感受到如果同你哋鬧交一定必死

久違了的郭志業老師今日特登返嚟同大家見面呀！咁耐冇見，郭老師一早帶定文房四寶，即席揮毫為大家寫揮春，歡迎各位協恩人過嚟OGA Booth蜂擁將佢包圍！ 一手郭老師嘅墨寶揮春，一手買$100/50個龍年利是封，雙腳再著埋超抵價$50條運動褲，3XCombo - 包你龍年龍馬精神行運一條龍大富大貴！！ #Funfair2024 #HYOGA  #校友會紀念品巡禮 #快啲返嚟Say個Hi #即席揮毫寫揮春 #把羨慕目光留給別人 #唔買就冇㗎喇

之前為大家送上Sneak peek video，相信各位一路睇，Morning Assembly情景必定隨著各首耳熟能詳的中英文詩歌一一浮現，當然唔少得恰恰吓眼瞓俾Mrs Lai嘅高音震醒啦！<--小編曝露年齡系列 為令大家重拾當年情懷，校友會特別推出一本名為"Hymn...

OGA Booth座落G03和G04側，位處上層核心商務區(Art Stall & F.5 Booths)心臟地帶及餐飲樞紐 (Tea House)。坐擁三條主要行人路優勢，來往上下層只需約30分鐘(人少的話)；Chapel和 Canteen...

2024年係甲辰龍年，校友會今年出售嘅利是封構圖繼續精美，金龍同協恩妹妹一齊騰雲駕霧，寓意學業事業一飛衝天，祝各位師姐妹龍年龍馬精神繼續做人中之龍！ 下星期日（21號）就係Fun Fair啦！當日十點開賣，有買趁手喇喂 #龍同人一樣微胖最可愛 #廿蚊十個...